Regional Cancer Centre hi February, 1998 ah Civil Hospital, Aizawl ah Unit hran neiin chemotherapy khum pakhat atanga tan in khai tan a ni a, Union Health Minister Dr. C. Silvera’n Cobalt – 60 (Theratron 780c) Mizoram tana min pek chu 1996 khan Zemabawkah Cobalt Machine chu Installed a ni a, 4th February, 1998 ah Pu Haukhuma Hauzel, Health Commissioner chuan Cobalt Therapy, Zemabawk ami chu hawngin Radiation pawh Zemabawk lamah hian hetih lai hian kal pui mek zel a ni a. 1997 – 1998 chhung hian Prof. Dr. HM Pathak chu Mizoram sawrkar in Radiotherapist turin a ruai a, 1997 – 1999 chhung hian Mr. Arun K. Sharma, Medical Physicist chu Mizoram sorkar in a ruai bawk a ni. Malsawmkima Pachuau, Radiotherapy Technologist chuan August, 1998 hian Colbat Therapy, Zemabawkah hian a hna rawn zawmin Colbat Therapy ah hian Regular staff hmasa ber a ni. 3rd January, 1998-ah Dr. PC. Lalramenga, Dr. R. Zodingliana, James Lalrema X-Ray Technician, R. Lawmsangi Staff Nurse, Laltlanengi Staff Nurse te chu B.Barooh cancer Institute (BBCI) Guwahati ah Cancer Care zir tura tirh an ni a. Kum 1999 khan Dr. Zoramthanga, MD chu Tata Memorial Hospital, Mumbai ah Onco- Medicine Thla 6 chhung zir tura tirh a ni a, ani hian Colbat Therapy Unit ah Cancer Consultant niin kum 2005 thleng a enkawl a ni. Hemi hnu hian cancer Specialist zir chhuak an lo awm tak nual avangin heng Cancer Specialist te hian enkawl chhunzawm chho in Staff Nurse lamah pawh Laltlanengi chu Diploma in Oncology Nursing Tata Memorial Hospital ah zir turin kum 2000 khan tirh a ni a, Sailotluangi Sailo leh Lalmalsawmi te chu BBCI, Guwahati ah 2001 khan Service Training tura tirh an ni a, AIIMS, New Delhi ah kum 2002 khan R. Lawmsangi Staff Nurse leh Laltlanengi Staff Nurse te chu Oncology Nursing zir tura tirh an ni bawk a ni.
Regional Cancer Centre hi Zemabawk ah Chemotherapy lakna tur building sak niin, 19thAugust, 2010 khan Hon’ble Chief Minister Pu Lal Thanhawla chuan hawnna a nei a, September, 2010 ah Civil Hospital, Aizawl atanga in sawn pheiin Day Care Chemotherapy chu Khum 5 awm atan a ni a, hemi hnu hian May 10, 2012 ah Indoor Ward Khum 10 leh Day Care Chemotherapy Khum 10 awm belh leh in chhunzawm chhoh a ni ta zel a ni.
TB Hospital chu Falkawnah sawn anih tak avangin TB Hospital building chu Renovation te zawh a nih hnuah ward khum 50 awm theihna turin November 15, 2012 khan insawn phei leh a ni a, Radiation Building ah Day Care Chemotherapy Khum 15 a awm bawk a ni.
Tichuan, Cancer Hospital chu 100 bedded a sak tur anih avangin thiah a ni a. Date 15.11.2016 khan Cancer Society of Mizoram Building chu ward atan khum 25 awm in luah hawh a ni.
Govt. Notification No. G.17012/1/2010-F. Est of 28th July, 2011 angin Schedule – II of the Delegation of Financial Power Rules. 1978 a hlan kai a ni a, Govt. Notification No. J.11011/5/2011 – HFW of 23rd Aug, 2011 angin REGIONAL CANCER CENTRE (RCC) tih chu MIZORAM STATE CANCER INSTITUTE a hming thlak a ni. August 10, 2012 ah DDO hran neiin bul tan a ni a, June 18, 2011 ah Dr. Jeremy L. Pautu, MD, DM, chu Mizoram State Cancer Institute Director hmasa ber atan ruat a ni.
